நடப்பு கல்வியாண்டுக்கான, பள்ளிக்கல்வித்துறை சார்பாக நடைபெறும், அரவக்குறிச்சி குறு வட்ட அளவிலான கடற்கரை கைப்பந்து போட்டி, சின்னதாராபுரம் ஆர்.என். மெட்ரிக் மேல்நிலைப் பள்ளியில் நேற்று நடந்தது. இதில், பள்ளப்பட்டி மேல்நிலைப்பள்ளி மாணவர்கள், முதல் முறையாக கடற்கரை கைப்பந்து போட்டியில் பங்கேற்றனர்.

19 வயதுக்குட்பட்ட மாணவர்களுக்கான போட்டியில், பள்ளப்பட்டி மேல்நிலைப்பள்ளி மாணவர்கள் முதலில் அரவக்குறிச்சி அரசு மேல்நிலைப் பள்ளியுடன் மோதி, 15-7, 15-9 என்ற புள்ளிக்கணக்கில் வெற்றி பெற்றது. இறுதி போட்டியில் ஆர்.என். மெட்ரிக் மேல்நிலைப் பள்ளியுடன் மோதி, 18-16, 12-15, 15-17 என்ற புள்ளிக்கணக்கில் இரண்டாமிடம் பெற்றனர்.வெற்றி பெற்ற மாணவர்களை பள்ளி தாளாளர், பள்ளப்பட்டி எஜுகேஷன் சொசைட்டி கல்விக்குழு உறுப்பினர்கள் மற்றும் மேல்நிலைப் பள்ளி தலைமையாசிரியர் மற்றும் ஆசிரியர்கள் வாழ்த்தினர்.