கரூர்: கரூர் பகுதிக்கு டெக்ஸ்டைல்ஸ், கொசுவலை நிறுவனங்களில் பணிபுரியவும், பள்ளி, கல்லுாரிகளில் படிக்கவும், நாள்தோறும் ஆயிரக்கணக்கானோர் வந்து செல்கின்றனர். இவர்கள் பஸ்களில் வரும்போது, காலை, 9:30 மணி வரை கூட்டம் அலைமோதுகிறது. இதில், திருச்சி மார்க்கம், திண்டுக்கல் மார்க்கத்திலிருந்து வரும், அரசு, தனியார் பஸ்களில் படியில் தொங்கியபடி, ஆபத்தான நிலையில் பயணம் செய்கின்றனர். டிரைவர்கள் அவசரத்திற்கு பிரேக் அடித்தாலோ அல்லது அதிவேகமாக செல்லும் மற்ற வாகனங்கள் உரசி சென்றாலோ படியில் தொங்கியபடி பயணிக்கும் மாணவர்களின் உயிருக்கு ஆபத்து ஏற்படும் அபாயம் உள்ளது.