க.பரமத்தி அருகே கார்வாழி ஆத்துப்பாளையம் என்ற இடத்தில், தடுப்பணை கட்டப்பட்டுள்ளது. நொய்யல் ஆறு மற்றும் கீழ்பவானி பாசன வாய்க்கால் கழிவுநீர் மூலம், ஆத்துப்-பாளையம் அணைக்கு தண்ணீர் கொண்டு செல்ல, பிரதான கால்வாய் அமைக்கப்பட்டுள்ளது. திருப்பூர் சாயக்கழிவு பிரச்-னையால், ஆத்துப்பாளையம் அணைக்கு தண்ணீர் வருவதில் சிக்கல் ஏற்பட்டது. மழை காரணமாக கடந்த, 2019ல், 18 ஆண்டு-களுக்கு பிறகு அணையின் முழுகொள்ளளவான, 26.9 அடியை தண்ணீர் எட்டியது.அப்போது, அணை நிரம்பிய நிலையில், கடல் போல காட்சிய-ளிக்கும் ஆத்துப்பாளையம் அணையை பார்வையிட திருப்பூர், திண்டுக்கல், நாமக்கல் மாவட்டங்களில் இருந்து சுற்றுலா பய-ணிகள் வந்தனர். அணையில் இருந்து, நொய்யல் வாய்க்கால் பகு-தியில் உள்ள, 19 ஆயிரத்து, 500 ஏக்கர் நிலம் பாசன வசதியை பெறும் வகையில் தண்ணீர் திறக்கப்பட்டது.

தற்போது, மழை காரணமாக ஆத்துப்பாளையம் அணைக்கு தண்ணீர் வரத்து தொடங்கியுள்ளது. அணையின் நீர்மட்டம் தற்-போது, 8 அடியை தாண்டியுள்ளது. மேலும், வடகிழக்கு பருவ-மழை தீவிரமடையும் பட்சத்தில், ஆத்துப்பாளையம் அணை நிரம்ப வாய்ப்புள்ளது. இதனால், ஆத்துப்பாளையம் அணைப்பகு-தியில், பூங்கா உள்ளிட்ட வசதிகளை ஏற்படுத்தி, சுற்றுலா தலமாக மாற்ற நடவடிக்க வேண்டும் என்ற, எதிர்பார்ப்பு ஏற்பட்டுள்ளது.

ஆத்துப்பாளையம் அணை சுற்றுலா தலமாக மாறும்போது, கரூர் மாவட்டத்தில் மிகவும் பின் தங்கிய பகுதிகளான க.பரமத்தி, அரவக்குறிச்சி வட்டார பகுதிகளில் பொருளாதார வளர்ச்சி ஏற்-படும் என்பதில் ஐயமில்லை.