மலைக்கோவிலுாரில் இருந்து, நஞ்சைகாளிக்குறிச்சி செல்லும் சாலை சேறும் சகதியுமாக உள்ளதால், அப்பகுதி மக்கள் சீரமைக்க கோரிக்கை விடுத்துள்ளனர்.

அரவக்குறிச்சி அருகே உள்ள நஞ்சகாளிக்குறிச்சியில் இருந்து, மலைக்கோவிலுார் செல்லும் இணைப்பு பாலம் கடந்த, 20 ஆண்டுகளுக்கு முன்பு அமைக்கப்பட் டது. தினமும் ஏராளமா னோர், இந்த பாலத்தின் இணைப்பு சாலையை பயன்படுத்தி வருகின்றனர். தற்போது, பராமரிப்பு இல்லாமல் குண்டும் குழியுமாகவும், சேறும் சகதியுமாகவும் காணப்படுகிறது. குறிப்பாக மழை காலத்தில் இப்பகுதி வழியே செல்ல, மக்கள் அவதிப்படுகின்றனர். இருசக்கர வாகனங்களில் செல்லும்போது சிரமப்படுகின்றனர்.

சாலையை சீரமைத்து தர, பலமுறை கோரிக்கை விடுத்திருந்தாலும், இதுவரை எந்த நடவடிக்கையும் எடுக்கப்படவில்லை. மழை தீவிரமடையும் முன்பாக, இந்த சாலையை சீரமைத்து தர அப்பகுதி மக்கள் வேண்டுகோள் விடுத்துள்ளனர்.