கரூர்:ஒழுங்குமுறை விற்பனை கூடத்தில், தேங்காய், கொப்பரை தேங்காய் ஆகியவை, 47 லட்சத்து, 77 ஆயிரத்து, 691 ரூபாய்க்கு விற்பனை நடந்தது.கரூர், க.பரமத்தி ஒன்றிய பகுதிகளில் ஆயிரக்கணக்கான ஏக்கரில் தேங்காய் சாகுபடி நடக்கிறது. இங்கு, தேங்காய்களை உடைத்து காய வைத்து தங்களது தேவைக்கு எண்ணெய் எடுத்தது போக மீதமுள்ள பருப்பு, தேங்காய்களை, நொய்யல் அருகில் உள்ள சாலைபுதுார் ஒழுங்குமுறை விற்பனை கூடத்தில் நடக்கும் ஏலத்துக்கு விவசாயிகள் கொண்டு வருகின்றனர்.அங்கு நடந்த ஏலத்தில் தேங்காய் கிலோ குறைந்தபட்ச விலை, 27.35 ரூபாய், அதிகபட்ச விலை, 33.89 ரூபாய், சராசரி விலை, 31.36 ரூபாய்க்கு ஏலம் போனது. மொத்தம், 1,532 கிலோ எடையுள்ள தேங்காய்கள், 47 ஆயிரத்து, 505 ரூபாய்க்கு விற்பனையானது.