அது மட்டுமின்றி புதுச்சேரி மற்றும் கர்நாடகா, கேரளா மாநிலங்களுக்கும் கரூர் வழியாக இரவில், அதிக பஸ்கள் செல்கின்றன. நாள்தோறும் ஏராளமான பயணிகள் வந்து செல்லும், நெருக்கடி மிகுந்த கரூர் பஸ் ஸ்டாண்டில், மாநக-ராட்சி சார்பில் இலவச கழிப்பறை உள்ளன.சரியான பராமரிப்பின்றி, இரவில் மின் விளக்குகள் இன்றி பெயர-ளவுக்கு உள்ளன. மேலும், பயணிகள் கூட்டம் அதிகமாக இருப்-பதால், கழிப்பறையை குறிப்பிட்ட இடைவெளியில் சுத்தம் செய்-வதில்லை. கழிப்பறையை பயன்படுத்தும் பயணிகளுக்கு குமட்டல் ஏற்பட்டு, மன உளைச்சலுக்கு ஆளாகின்றனர். பல்வேறு புகார்களை தொடர்ந்து ஆண்கள் கழிப்பறை பராம-ரிக்கும் பணி நடந்து வருகிறது. இதற்காக, சேலம் பஸ்கள் நிற்கும் இடத்தில் எதிரில் உள்ள கழிப்பறை திறக்கப்பட்டுள்ளது. அது மிகவும் சிறிய கழிப்பறை என்பதால், கூட்ட நெரிசலில் பயன்ப-டுத்த முடியாமல் தவித்து வருகின்றனர். பொது இடங்களில் சிறுநீர் கழிக்கும் நிலை உள்ளது. பயணிகளுக்கு நோய் தொற்று ஏற்படும் அபாயம் உள்ளது. கரூர் பஸ் ஸ்டாண்டில் ஆண்கள் கழிப்பறையின், பராமரிப்பு பணியை விரைந்து முடிக்க மாநக-ராட்சி நிர்வாகம் நடவடிக்கை எடுக்க வேண்டும்.