சாலைபுதுார், ஒழுங்குமுறை விற்பனை கூடத்தில் பல்வேறு வேளாண் பொருட்கள், 44.42 லட்சம் ரூபாய்க்கு வர்த்தகம் நடந்தது.

கரூர் மாவட்டத்தில் புகழூர், வேலாயுதம்பாளையம், க.பரமத்தி உள்ளிட்ட பகுதிகளில், 15 ஏக்கருக்கு மேல் தென்னை சாகுபடி நடக்கிறது. இங்கு உற்பத்தி செய்யப்படும் தேங்காய்களை, நொய்யல் அருகில் சாலைபுதுார் ஒழுங்குமுறை விற்பனை கூடத்தில் விற்பனை செய்கின்றனர். அங்கு நேற்று முன்தினம் நடந்த ஏலத்தில், 3,844 தேங்காய்களை விவசாயிகள் விற்பனைக்கு கொண்டு வந்தனர். ஒரு கிலோ குறைந்தபட்சமாக, 38.87 ரூபாய், அதிகபட்சமாக, 52.25 ரூபாய், சராசரியாக, 48.89 ரூபாய்க்கு ஏலம் போனது. மொத்தம், 1,117 கிலோ எடையுள்ள தேங்காய்கள், 49 ஆயிரத்து, 529 ரூபாய்க்கு விற்பனையானது.

கொப்பரை தேங்காய் முதல் தரம் ஒரு கிலோ குறைந்தபட்சமாக, 122.99 ரூபாய், அதிகபட்சமாக, 142.99 ரூபாய், சராசரியாக, 141.99 ரூபாய், இரண்டாம் தரம் குறைந்தபட்சமாக, 96.79 ரூபாய், அதிகபட்சமாக, 140.99 ரூபாய், சராசரியாக, 125.09 ரூபாய்க்கு ஏலம் போனது. மொத்தம், 34 ஆயிரத்து, 471 கிலோ எடையுள்ள கொப்பரை தேங்காய், 41 லட்சத்து, 14 ஆயிரத்து, 617 ரூபாய்க்கு விற்பனை நடந்தது.

எள் 13 மூட்டை வரத்தாகி, சிவப்பு ரகம் ஒரு கிலோ குறைந்தபட்சமாக, 92.99, அதிகபட்சமாக, 131.99, சராசரியாக, 116.99 ரூபாய்க்கு ஏலம் போனது. மொத்தம், 912 கிலோ எடையுள்ள எள், ஒரு லட்சத்து, 8,119 ரூபாய்க்கு விற்பனையானது.

நிலக்கடலை ஏலம்

நேற்று நடந்த நிலக்கடலை ஏலத்தில், 74 மூட்டைகளை விற்பனைக்கு கொண்டு வந்தனர். ஒரு கிலோ குறைந்தபட்சமாக, 68.40, அதிகபட்சமாக, 72.10, சராசரியாக, 71.40 ரூபாய்க்கு ஏலம் போனது. மொத்தம், 2,492 கிலோ எடையுள்ள நிலக்கடலை, ஒரு லட்சத்து, 70 ஆயிரத்து, 109 ரூபாய்க்கு விற்பனையானது. மொத்தமாக தேங்காய், கொப்பரை தேங்காய், எள், நிலக்கடலை சேர்த்து, 44 லட்சத்து, 42 ஆயிரத்து, 374 ரூபாய்க்கு விற்பனை நடந்தது.