கரூர்: நன்செய் புகழூர் மேகபாலீஸ்வரர் கோவிலில், கார்த்திகை மாத வளர்பிறை அஷ்டமியையொட்டி, நேற்று மாலை சிறப்பு பூஜை நடந்தது.அதில், மூலவர் கால பைரவருக்கு பால், தயிர், பன்னீர், இளநீர், சந்தனம், திருமஞ்சனம், குங்குமம் ஆகிய வாசனை திரவியங்கள் அபிஷேகம் நடந்தது. பின், காலபைரவர் பூக்கள் அலங்காரத்தில் பக்தர்களுக்கு அருள்பாலித்தார். மஹா தீபாராதனைக்கு பின், பக்தர்களுக்கு பிரசாதம் வழங்கப்பட்டது.