ஆனால் ஆறு ஆண்டுகளுக்கு மேலாக, இறைச்சி கூடம் பூட்டி கிடக்கிறது. அரசின் விதிகள்படி, வெட்டப்படும் ஆடுகளை, முந்தைய நாள் இரவில், ஆட்டிறைச்சி கூடங்களில் விட வேண்டும். மறுநாள், கால்நடை மருத்துவர் அவற்றை பரிசோதிப்பார். பிறகு வெட்டப்பட்ட ஆட்டு இறைச்சியில், மாநகராட்சி சீல் வைக்கப்படும். அந்த இறைச்சியை தான் விற்பனை செய்ய வேண்டும் என்பது விதிமுறை. ஆனால், இறைச்சி கூடம் பூட்டி கிடப்பதால், மாநகராட்சி பகுதியில் அத்தகைய விதிமுறைகள் பின்பற்றப்படுவதில்லை. திறந்தவெளியில் ஆடுகளை வெட்டி இறைச்சியாக்கி, சுகாதாரமற்ற முறையில் விற்பனை செய்யப்படுகிறது. மாநகராட்சி நிர்வாகம் கண்டு கொள்ளாததால், தரமான ஆட்டிறைச்சி கிடைப்பதில்லை. எனவே, ஆட்டிறைச்சி கூடத்தை திறக்க நடவடிக்கை எடுக்க வேண்டும்.