கரூர் மாவட்டம், தென்னிலை கருநெல்லிவலசு பகுதியை சேர்ந்த ராஜேந்திரன் என்பவரது மகன் அஜித்குமார், 28; இவர், நேற்று முன்தினம் பஜாஜ் பல்சர் பைக்கில், தென்னிலை-கோடந்துார் சாலையில் சென்று கொண்டிருந்தார்.

அப்போது, பைக் திடீரென நிலை தடுமாறியதில் கீழே விழுந்த அஜித்குமார், தலையில் படுகாயம் அடைந்து சம்பவ இடத்திலேயே உயிரிழந்தார். இதுகுறித்து, அஜித்குமாரின் தாய் ராணி, 50; கொடுத்த புகாரின்படி, தென்னிலை போலீசார் வழக்குப்பதிவு செய்து விசாரிக்கின்றனர்.