ஓசூர்: கிருஷ்ணகிரி மாவட்டம், தளி ஒன்றியம், உரிகம் கிராமத்தில் அண்ணா மறுமலர்ச்சி திட்டத்தில், 30.10 லட்சம் ரூபாய் மதிப்பில் புதிய பஞ்., அலுவலகம் கட்டும் பணி, 16.55 லட்சம் மதிப்பில் அங்கன்வாடி கட்டடம், 11.30 லட்சம் ரூபாய் மதிப்பில் சிமென்ட் சாலை பணி நடக்கிறது. மேலும், கோவள்ளி, வெங்கலன் தொட்டி கிராமங்களில் தலா, 5.15 லட்சம் ரூபாய் மதிப்பில் சிமென்ட் சாலைகள், முத்திகரை கிராமத்தில், 6.15 லட்சம் ரூபாயில் சிமென்ட் சாலை, உரிகம் கிராமத்தில், 8 லட்சம் ரூபாய் மதிப்பில் சிமென்ட் சாலை, கோவள்ளி, உடுபராணி கிராமத்தில் தலா, 4 லட்சம் ரூபாய் மதிப்பில் சிமென்ட் சாலை அமைக்கப்பட உள்ளது.