கிருஷ்ணகிரி: தர்மபுரி சமூக சேவை சங்கம், காரித்தாஸ் இந்தியா, கோல்பிங் இந்தியா, தமிழக சமூக பணி மையம், தமிழக பெண்கள் கூட்ட-மைப்பு மற்றும் கந்திகுப்பம் துாய விண்ணரசி அன்னை இறை சமூகத்தினர் இணைந்து, செயலை துரிதப்படுத்துங்கள் என்னும் மையக்கருத்தில், சர்வதேச மகளிர் தின விழா, ஆயர் லாரன்ஸ் பயஸ் தலைமையில் நடந்தது. தர்மபுரி சமூக சேவை சங்கத்தின் இயக்குனர் அருள்பணி மாரியப்பன் வரவேற்றார். மறைவட்ட முதன்மை குரு இருதயநாதன் மற்றும் கந்திகுப்பம் பங்குத்தந்தை ஆல்பர்ட் வில்லியம் ஆகியோர் முன்னிலை வகித்தனர்.