நேற்று மதியம், 12:00 மணியளவில், கிருஷ்ணகிரி மாவட்டத்திலிருந்து ஜெலட்டின் குச்சிகளை வாங்கி, தக்காளி லோடு ஏற்றி வந்த லாரியில் எடுத்துக்கொண்டு, சங்ககிரி சுங்கச்சாவடி வழியாக சென்றுள்ளனர். அப்போது, அங்கு கண்காணிப்பு பணியில் ஈடுபட்டிருந்த போலீசார், லாரியை சோதனை செய்தனர்.

தக்காளி கூடைக்குள் ஜெலட்டின் குச்சிகளை சட்டத்துக்கு விரோதமாக எடுத்து வந்தது தெரியவந்தது. அவை பறிமுதல் செய்யப்பட்டு, நாமக்கல் மாவட்டம், குமாரபாளையம் போலீசாரிடம் ஒப்படைக்கப்பட்டது. அதில், 4 டன் ஜெலட்டின் குச்சிகள் இருப்பதாக போலீசார் தெரிவித்தனர்.