உத்தனப்பள்ளி - கெலமங்கலம் சாலையில், போடிச்சிப்பள்ளி பகுதியில் லாரி சென்றபோது, தாழ்வாக சென்ற மின்கம்பி மீது உரசிய கன்டெய்னர் லாரி தீப்பிடித்தது. அப்போது, லாரியின் பின்னால் பைக்கில் வந்த வாலிபர்கள் அதை பார்த்து, டிரைவரை உஷார் படுத்தினர்.

தமிழ் தெரியாத அவரால் வாலிபர்கள் கூறியதை அறிய முடியாமல், லாரியை நிறுத்தாமல் ஓட்டி, கெலமங்கலம் - ஓசூர் சாலைக்கு வந்தார். கெலமங்கலத்தை தாண்டி, பைரமங்கலம் பிரிவு சாலை அருகே மதியம், 2:00 மணிக்கு வந்தபோது, லாரியின் பின்பகுதியில் தீப்பிடித்ததை உணர்ந்தார். உடனடியாக லாரியை சாலையோரம் நிறுத்தி விட்டு, கீழே குதித்து உயிர் தப்பினார்.

தேன்கனிக்கோட்டை மற்றும் ஓசூர் தீயணைப்புத்துறையினர் வந்து, ஒரு மணி நேரம் போராடி தீயை அணைத்தனர். ஆனால், கன்டெய்னர் லாரிக்குள் இருந்த, 40 டூ-வீலர்கள் மற்றும் லாரி நாசமாகின.