மாவட்ட கலெக்டர் சரயு தலைமை வகித்து பேசுகையில், “பருவமழை முன்னேற்பாடு பணிகளிலும், கொசு ஒழிப்பு பணியிலும் அலுவலர்கள் தீவிரமாக பணியாற்ற வேண்டும். பொதுமக்களுக்கு காய்ச்சல் தொடர்பான அறிகுறிகள் ஏதேனும் கண்டறியப்பட்டால், சுயமாக மருந்து உட்கொள்ளாமல், அருகிலுள்ள ஆரம்ப சுகாதார நிலையம், அரசு மருத்துவமனை, பதிவு பெற்ற மருத்துவ அலுவலரை அணுகி சிகிச்சை பெற வேண்டும்.

அதே போல் தனியார் மருந்து கடை உரிமையாளர்கள் மருத்துவரின் ஆலோசனைகள் இல்லாமல், மருந்து, மாத்திரைகள் வழங்கக்கூடாது. பொதுமக்கள் காய்ச்சிய குடிநீரை பருக வேண்டும்,” என்றார். டி.ஆர்.ஓ., சாதனைக்குறள், சுகாதார பணிகள் துணை இயக்குனர் டாக்டர்.ரமேஷ்குமார், கிருஷ்ணகிரி ஆர்.டி.ஓ., பாபு, மற்றும் துறை சார்ந்த அலுவலர்கள் கலந்து கொண்டனர்.