இதுகுறித்து, மாவட்ட செயலாளர் சீனிவாசன் வெளியிட்டுள்ள அறிக்கை:

கிருஷ்ணகிரி மாவட்ட கிரிக்கெட் சங்கம் நடத்தும், கிரிக்கெட் நடுவர்களுக்கான பயிற்சி வகுப்புகள் மற்றும் தேர்வுகள் ஜூன், ஜூலை மாதம் நடக்க உள்ளது. இதில் பங்கேற்க, 18 முதல், 35 வரை வயது வரம்பும், குறைந்தபட்ச கல்வித் தகுதியாக, 10ம் வகுப்பும் தேர்ச்சியும் பெற்றிருக்க வேண்டும். பயிற்சி வகுப்புகள் கந்திகுப்பத்திலுள்ள கிங்ஸ்லி மெட்ரிகுலேசன் மேல்நிலைப்பள்ளி வளாகத்தில் நடக்கிறது.

நடுவர்கள் தேர்வுகளுக்கான சிறப்பு வகுப்புகள், மாவட்ட கிரிக்கெட் சங்கத்தால் நடத்தப்பட உள்ளது. இப்பயிற்சி வகுப்புகள், தேசிய நடுவர்களால் நடத்தப்படும். பயிற்சியில், கிருஷ்ணகிரி, தர்மபுரி மற்றும் திருப்பத்துார் மாவட்டத்தை சார்ந்தவர்கள் மட்டும் பங்கு

பெறலாம்.

தங்கள் பெயர்களை பதிவு செய்ய, கிருஷ்ணகிரி மாவட்ட கிரிக்கெட் சங்கம், 41, நஞ்சப்ப செட்டி காலனி, ராயப்ப முதலி தெரு, கிருஷ்ணகிரி என்ற முகவரியில் நேரில் சென்று விண்ணப்பங்களை பெற்றுக் கொள்ளலாம். மேலும் விபரம் அறிய, மேலாளர் காளிதாசனை, 99941 82296 என்ற எண்ணில் தொடர்பு கொள்ளலாம். பூர்த்தி செய்யப்பட்ட விண்ணப்பங்களை வரும், 23 மாலை, 5:00 மணிக்குள் கிரிக்கெட் சங்க அலுவலகத்தில் ஒப்படைக்க வேண்டும்.

இவ்வாறு, அதில் தெரிவித்துள்ளார்.