கடும் துர்நாற்றத்துடன் கழிவுநீர் கலந்து பச்சை நிறத்தில் வந்த நீரால், அணையில் ஒன்றரை கிலோ வரை வளர்ந்திருந்த மீன்கள், 3 டன் அளவிற்கு செத்து மிதக்கின்றன. இதனால் மீனவர்கள் மிகவும் கவலை அடைந்துள்ளனர். கர்நாடகா மாநிலத்திலிருந்து வரும் கழிவுநீரை முறையாக சுத்திகரித்து தென்பெண்ணை ஆற்றில் விட வேண்டும். இல்லையென்றால் வரும் காலங்களில் கே.ஆர்.பி., அணையில் மீன்களை வளர்க்க முடியாது என்றும், இப்பகுதியில் விவசாயம் கேள்விக்குறியாகும் என்றும், விவசாயிகள் வேதனை தெரிவிக்கின்றனர். கே.ஆர்.பி., அணையின் இடது மற்றும் வலதுபுற வாய்க்காலில் வினாடிக்கு, 12 கன அடி நீர் பாசனத்துக்கு திறக்கப்பட்டுள்ளது. அணையின் மொத்த உயரமான, 52 அடியில் நேற்று, 40.20 அடியாக நீர்மட்டம் இருந்தது.