கிருஷ்ணகிரி மாவட்டத்தில் கடந்த சில மாதங்களாக, பஸ்சில் பயணம் செய்பவர்களிடமிருந்து தங்க நகைகள், வெள்ளி பொருட்கள் மற்றும் பணம் கொள்ளை அடிக்கப்பட்டதாக ஏராள-மான புகார்கள் போலீசாருக்கு சென்றன. மாவட்ட எஸ்.பி., தங்க-துரை உத்தரவுப்படி, அந்த கொள்ளையர்களை பிடிக்க தனிப்-படை அமைக்கப்பட்டது.

போலீசார், 'சிசிடிவி' காட்சிகளை வைத்து ஆய்வு செய்து சிலரை சந்தேகப்பட்டனர். போலீசார் சந்தேக பட்டியலில் இருந்த ஒரு வாலிபர், 2 பெண்களுடன் கிருஷ்ணகிரி பஸ் ஸ்டாண்டில் சுற்றி-யது தெரிந்தது. நேற்று முன்தினம் மாலை, அந்த வாலிபர், 2 பெண்களுடன் கிருஷ்ணகிரி புதிய பஸ் ஸ்டாண்டில் நின்றபோது போலீசார் வளைத்து பிடித்தனர். விசாரணையில் அவர்கள், திருப்-பத்துார் டவுனை சேர்ந்தவர்கள் என்பதும் கடந்த, 10 ஆண்டுக-ளாக கிருஷ்ணகிரி அருகே உள்ள பாஞ்சாலியூர் கிராமத்தில் வீடு வாடகை எடுத்து தங்கியுள்ள சக்தி, 37, அவரது, 2 மனைவிக-ளான அமுதா, 36, நந்தினி, 30 என்பதும் தெரியவந்தது.

அவர்கள் மூவரையும் கைது செய்த போலீசார், அவர்களிடமி-ருந்து, 47 பவுன் நகைகள், 67,500 ரூபாய் மதிப்பிலான வெள்ளி பொருட்கள், 20 மொபைல் போன்களுடன், 1.76 லட்சம் ரூபா-யையும் பறிமுதல் செய்து, விசாரித்து வருகின்றனர்.