கெலமங்கலம் - உத்தனப்பள்ளி சாலையை, 11 யானைகள் ஒரு குழுவாகவும், 21 யானைகள் மற்றொரு குழுவாகவும் கடந்து சென்றன. இதில், 11 யானைகள் தேன்கனிக்கோட்டை வனச்சரகம் பேவநத்தம் வனப்பகுதிக்கு விரட்டப்பட்டன.

ஆனால், 21 யானைகள் அடங்கிய மற்றொரு குழு, ராயக்கோட்டை வனச்சரகத்திற்கு உட்பட்ட ஒன்னுகுறுக்கி கரடு வனப்பகுதியில் தஞ்சமடைந்தன. அவற்றை வனத்துறையினர் கண்காணித்தனர். அதன் பின், அவற்றை, தேன்கனிக்கோட்டை நோக்கி விரட்டும் பணியில் ஈடுபட்டனர்.

தேன்கனிக்கோட்டை, ஜவளகிரி வனப்பகுதியில் இருந்து, ராயக்கோட்டை, ஓசூர் வனச்சரகத்திற்கு யானைகள் திரும்பி, திரும்பி வருவதும், வனத்துறையினர் விரட்டுவதுமாக உள்ளனர்.