கிருஷ்ணகிரி: கிருஷ்ணகிரி மாவட்டத்தில், புகையிலை பொருட்கள் விற்பனை நடக்கிறதா என போலீசார் சோதனை நடத்தினர். இதில், கிருஷ்ணகிரி, குருபரப்பள்ளி, வேப்பனஹள்ளி, ஓசூர் அட்கோ, சிப்காட், மத்திகிரி, பாகலுார், பேரிகை, சூளகிரி, பர்கூர், கந்திகுப்பம், தேன்கனிக்கோட்டை, உத்தனப்பள்ளி, சிங்காரப்பேட்டை, மத்துார் ஆகிய பகுதிகளில், புகையிலை விற்பனை செய்த, 16 பேரை போலீசார் கைது செய்தனர். அவர்களிடமிருந்து, 3,400 ரூபாய் மதிப்புள்ள குட்கா மற்றும், 1,400 ரூபாய் மதிப்புள்ள கர்நாடகா மாநில மது பாட்டில்களை பறிமுதல் செய்தனர். இதேபோல், கிருஷ்ணகிரி, பாகலுார், ஓசூர் நல்லுார் பகுதிகளில், கஞ்சா வைத்திருந்த, 3 பேரை போலீசார் கைது செய்து, 165 கிராம் கஞ்சாவை பறிமுதல் செய்தனர்.