கிருஷ்ணகிரி மாவட்டம், பர்கூர் அடுத்த ஐகுந்தம் கொத்தப்-பள்ளி பஞ்., மேல்சீனிவாசபுரத்தை சேர்ந்தவர் முருகன். இவர் ஏற்கனவே இறந்து விட்டார். இவரது மனைவி கோவிந்தம்மாள், 56. கூலித்தொழிலாளி. கடந்த மாதம், 25ம் தேதி, 100 நாள் வேலை திட்டத்தில், அப்பகுதியிலுள்ள பெரியமலை அடிவா-ரத்தில், பண்ணைக்குட்டை அமைக்கும் பணிக்காக சென்ற அவர், மலை அடிவாரத்தில் கொலுசு, கம்மலின்றி உடலில் காயத்துடன் மர்மமான முறையில் இறந்து கிடந்தார். டி.எஸ்.பி., முத்துகி-ருஷ்ணன் மேற்பார்வையில், இன்ஸ்பெக்டர்கள் இளவரசன், அன்-பழகன், உள்ளிட்ட தனிப்படையினர் விசாரித்து வந்தனர்.இதில், கொலையான கோவிந்தம்மாளின் கணவர் முருகன் இறப்பதற்கு முன் தன், 57 சென்ட் நிலத்தை சுப்பிரமணி என்பவ-ருக்கு விற்க ஒப்பந்தம் செய்து, பணம் பெற்றிருந்தார். அந்த நிலத்தை சுப்பிரமணியிடம் இருந்து முருகனின் அண்ணன் பச்சி-யப்பனின் மகன் சக்திவேல், 44, வாங்கி, வீடு கட்டி குடியே-றினார். தங்கள் நிலத்தை சக்திவேல் வாங்கி விட்ட ஆத்திரத்தில், கோவிந்தம்மாள் அங்கு சென்று சக்திவேலையும், அவருக்கு ஆதர-வாக பேசிய உறவினர்கள் மேல்சீனிவாசபுரத்தை சேர்ந்த வெங்-கட்ராமன், 65, கோவிந்தராஜ், 64, ஆகியோரையும் தகாத வார்த்-தையால் திட்டியுள்ளார்.

இதனால் ஆத்திரத்தில், ஏரி வேலைக்கு சென்று திரும்பிய கோவிந்தம்மாளை, சக்திவேல், வெங்கட்ராமன், கோவிந்தராஜ் ஆகிய, 3 பேரும் சேர்ந்து கட்டையால் அடித்து, கழுத்தை நெரித்து கொன்றனர். அவரது மொபைல் போன், கால் கொலுசு, கம்மல் ஆகியவற்றை குட்டையில் வீசி விட்டு, நகைக்காக கொலை நடந்தது போல் நாடகமாடியது விசாரணையில் தெரிந்-தது. இதையடுத்து, மூன்று பேரையும் நேற்று மாலை, தனிப்-படை போலீசார் கைது செய்தனர்.