சூளகிரி போலீசார் காமன்தொட்டி தட்சிண திருப்பதி கோவில் அருகில் வாகன சோதனை நடத்தினர். அங்கு நின்ற டிப்பர் லாரியை சோதனையிட்டதில், 2 யூனிட் மண் கடத்த முயன்றது தெரிந்தது. சூளகிரி போலீசார், லாரியை பறிமுதல் செய்து விசாரிக்கின்றனர். ஊத்தங்கரை வி.ஏ.ஓ., தேவராஜ் மற்றும் அலுவலர்கள் திருவண்ணாமலை சாலையில் ரோந்து சென்றனர். அப்பகுதியில் நின்ற லாரியை சோதனையிட்டதில், 2 யூனிட் ஜல்லி கற்கள் கடத்த முயன்றது தெரிந்தது.- ஊத்தங்கரை போலீசார், லாரியை பறிமுதல் செய்தனர்.

கண்ணன்டஹள்ளி வி.ஏ.ஓ., சம்சுதீன் மற்றும் அலுவலர்கள் கூச்சூர் மின்வாரிய அலுவலகம் அருகே ரோந்து சென்றனர். அப்பகுதியில் நின்ற டிப்பர் லாரியை சோதனையிட்டதில், 4 யூனிட் மண் கடத்த முயன்றது தெரிந்தது-. சம்சுதீன் புகார் படி, மத்துார் போலீசார் லாரியை பறிமுதல் செய்து, விசாரிக்கின்றனர்.