கிருஷ்ணகிரி: கிருஷ்ணகிரி மாவட்டம், பர்கூர் ஐயப்பன் கோவில், 41ம் ஆண்டு மண்டல மகர விளக்கு பூஜை மற்றும் புதிய தேர் விழா நேற்று நடந்தது. இதையொட்டி, கோ பூஜை, ஐயப்ப சுவாமிக்கு காப்பு கட்டுதல், புதிய தேர் கலச பிரதிஷ்டை மற்றும் யாகசாலை பூஜை ஆகியவை நடந்தது. ஐயப்ப சுவாமிக்கு சிறப்பு அபிஷேகம் மற்றும் மஹா தீபாராதனை நடந்தது. பாரத கோவிலில் இருந்து கைலாசநாதர், தாயார் பெரியநாயகி அம்மன் திருக்கல்யாணத்திற்கு, பெண்கள் சீர்வரிசைகளுடன் ஊர்வலமாக கோவிலுக்கு வந்தனர். கோவிலில், பெண்கள் பங்கேற்ற திருவிளக்கு பூஜை நடந்தது.