பின் தேவராஜ் கலெக்டரிடம் கூறியதாவது: மழையை மட்டுமே நம்பி விவசாயம் செய்து வந்த நிலையில், ஆழ்துளை கிணறு அமைத்தேன். இதற்காக மின்சார வாரியத்தில், 3 லட்சம் ரூபாய் வைப்புத்தொகை செலுத்தி, எனது நிலத்தின் அருகே உள்ள கோவில் மானிய நிலத்தில், 2 மின் கம்பங்கள் நட்டு இணைப்பு வழங்கினர். இதற்கு உள்ளூரை சேர்ந்த பா.ஜ., நிர்வாகி மோகன் மற்றும் சிலர் எதிர்ப்பு தெரிவித்து, 2 மின் கம்பங்களை அகற்றிவிட்டனர்.

இதுகுறித்து கலெக்டர், எஸ்.பி., மற்றும் சென்னை டி.ஜி.பி., அலுவலகம் வரை புகாரளித்தும் நடவடிக்கை எடுக்கவில்லை. எனவே, மின்கம்பத்தை அகற்றியவர்கள் மீது உரிய நடவடிக்கை எடுக்க வேண்டும். கோவில் நிலத்தின் வழியாக மின்கம்பம் கொண்டு செல்ல உரிய அனுமதி அளிக்க வேண்டும். இவ்வாறு கூறினார். உரிய விசாரணை நடத்தி, நடவடிக்கை எடுக்கப்படும் என கலெக்டர் கூறினார்.