தேன்கனிக்கோட்டை, கிருஷ்ணகிரி மாவட்டம், தேன்கனிக்கோட்டை வனச்சரகத்திற்கு உட்பட்ட நொகனுார் காப்புக்காட்டில், 5 யானைகள் முகாமிட்டுள்ளன. வனத்தில் இருந்து வெளியேறும் யானைகள், மாரசந்திரம், லக்கசந்திரம், மரகட்டா, நொகனுார், ஆலஹள்ளி, கிரியனப்பள்ளி, ஏணிமுச்சந்திரம், சீனிவாசபுரம் ஆகிய பகுதிகளில் காலை நேரங்களில் சுற்றித்திரிகின்றன. மரக்கட்டா கிராமம் அருகே அஞ்செட்டி - தேன்கனிக்கோட்டை சாலையை நேற்று காலை கடந்த ஒற்றை யானை, நொகனுார் கிராமம் நோக்கி சென்றது.