தொடர்ந்து, 8ல், அம்மனுக்கு கூழ் ஊற்றுதல், அம்மன் நகர்வலமும், 9ல், அம்மனுக்கு பால்குடம் எடுத்தல், பொங்கல் வைத்தல், அம்மன் நகர்வலம் ஆகியவை நடந்தது.நேற்று காலை, கங்கையில் புனித நீராடி அம்மனுக்கு சிறப்பு அலங்காரம் செய்து ஊர்வலமாக கொண்டு சென்றனர். பகல், 12:00 மணிக்கு, ஊர்மக்கள், பக்தர்கள் மா விளக்கை ஊர்வலமாக கோவிலுக்கு கொண்டு சென்றனர். இதில், பக்தர்கள் அலகு குத்தி, தீச்சட்டி ஏந்தி, அம்மன் வேடம் அணிந்து, கோவிலில் தீ மிதித்து வேண்டுதல் நிறைவேற்றினர். பக்தர்கள் முதுகில் அலகு குத்திக் கொண்டு அந்தரத்தில் பறந்து சென்று அம்மனுக்கு மாலை அணிவித்து, குழந்தையை சுமந்து வேண்டிக் கொண்டனர்.

பூசாரியின் கையால் ஏராளமான ஆண்களும், பெண்களும் சாட்டையடி வாங்கினர். இரவு, 7:00 மணிக்கு, ஆடல் - பாடல் நிகழ்ச்சியும், 8:00 மணிக்கு, வானவேடிக்கையும் நடந்தது.