தர்மபுரி நகரை ஒட்டிய, இலக்கியம்பட்டி கால்நடை பெரு மருத்துவமனையில் அனைத்து வகையான கால்நடைகளுக்கும் சிகிச்சைகள் அளிக்கப்பட்டு வருகிறது. இதில், நாய்களுக்கு ஏற்படக்கூடிய வெறிநோயை தடுக்க, கடந்த ஜூன் மாதம் மத்திய அரசு, 1,800 டோஸ் தடுப்பூசி வழங்கியது. இதில், ஜூன் மாதம், 80 டோஸ் தடுப்பூசி போடப்பட்டது. அத்துடன், 312 நாய்களுக்கு மருத்துவ சிகிச்சை மற்றும், 41 நாய்களுக்கு அறுவை சிகிச்சை செய்யப்பட்டது. மேலும் கடந்த, 3 மாதத்தில் வீட்டில் வளர்க்கப்பட்ட, 637 நாய்களுக்கு வெறிநோய் தடுப்பூசி செலுத்தப்பட்டது. மேலும், பூனைகள், மனிதர்களை கடித்தாலோ அல்லது நகங்களால் கீரினாலோ ரேபிஸ் தொற்று பரவக்கூடும் எனவே, பூனைகளுக்கும் வெறிநோய்க்கான தடுப்பூசியை கட்டாயம் செலுத்தி கொள்ள வேண்டும். இவ்வாறு, அவர் கூறினார்.