மாணவர்களுக்கு சைக்கிள்

கிருஷ்ணகிரி, அக். 11-

கிருஷ்ணகிரி அரசு ஆண்கள் மேல்நிலைப்பள்ளியில், பிளஸ் 1 பயிலும் மாணவர்களுக்கு, தமிழக அரசின் விலையில்லா சைக்கிள் வழங்கும் நிகழ்ச்சி நடந்தது. தலைமை ஆசிரியர் ரமேஷ் தலைமை வகித்தார்.

மாவட்ட முதன்மை கல்வி அலுவலர் (பொ) முனிராஜ், அரசு மகளிர் மேல்நிலை பள்ளி பெற்றோர் ஆசிரியர் கழக தலைவரும், நகர, தி.மு.க., செயலாளருமான நவாப், பள்ளி பெற்றோர் ஆசிரியர் கழக தலைவர் கனல்சுப்பிரமணி ஆகியோர் முன்னிலை வகித்தனர். பள்ளி முதுகலை தமிழாசிரியர் நாராயணன் வரவேற்றார்.

இதில், கிருஷ்ணகிரி, தி.மு.க., கிழக்கு மாவட்ட செயலாளர் மதியழகன் எம்.எல்.ஏ., 422 மாணவர்களுக்கு, விலையில்லா சைக்கிள்களை வழங்கி பேசினார். ஆசிரிய, ஆசிரியைகள், பெற்றோர் ஆசிரியர் கழக நிர்வாகிகள், பெற்றோர் உள்பட பலர் கலந்து கொண்டனர்.