ஓசூர் : கிருஷ்ணகிரி லோக்சபா தேர்தலில், 16 லட்சத்து, 9,913 வாக்காளர்கள் ஓட்டளிக்க உள்ளனர். இதற்காக மொத்தம், 1,883 ஓட்டுச்சாவடிகள் அமைக்கப்பட்டுள்ளன. மேலும், 5 ஓட்டுச்சாவடிகள் கூடுதலாக அமைக்க, மாவட்ட நிர்வாகம் ஆலோசித்து வருகிறது. ஒரு ஓட்டுச்சாவடியில், 800 முதல், 1,000 வாக்காளர்கள் உள்ளனர். வரும், 19ல் ஓட்டுப்பதிவு நடக்க உள்ள நிலையில், வாக்காளர்களுக்கு பூத் சிலிப் வினியோகம் செய்யும் பணி கடந்த, 5ம் தேதி முதல் நடந்து வருகிறது. விடுமுறை நாளான நேற்றும், பூத் சிலிப்புகள் வாக்காளர்களுக்கு வினியோகம் செய்யப்பட்டன. இப்பணியில், அங்கன்வாடி ஊழியர்கள், ஆசிரியர்கள், கிராம உதவியாளர்கள் ஈடுபடுத்தப் பட்டுள்ளனர். ஒவ்வொரு ஏரியாக சென்று, வாக்காளர்கள் விடுபடாத வகையில் பூத் சிலிப்புகளை வினியோகம் செய்ய, மாவட்ட தேர்தல் நடத்தும் அலுவலர் சரயு உத்தரவிட்டுள்ளார்.