கிருஷ்ணகிரி: கிருஷ்ணகிரி மாவட்டம், காவேரிப்பட்டணம் அடுத்த கால்வேஅள்ளி பிள்ளையார் கோவிலுார் கிராமத்தில், நேற்று காலை, 5:00 மணி முதல், 10:00 மணி வரை எருது விடும் திருவிழா நடந்தது. இதில், மாவட்டத்தில் பல்வேறு பகுதிகளில் இருந்தும் வெளி மாவட்டங்களில் இருந்தும், 200க்கும் மேற்பட்ட எருதுகளை, அதன் உரிமையாளர்கள் கொண்டு வந்திருந்தனர். இதில், எருதுகளை குறிப்பிட்ட இடத்தில் இருந்து இன்னொரு இடத்திற்கு ஓட விட்டு, குறைந்த நேரத்தில் கடக்கும் எருதுகளின் உரிமையாளருக்கு பரிசுகள் வழங்கப்பட்டன.