ஓசூர், நீர்நிலைகளை துாய்மையாக வைத்து கொள்ள வேண்டும், அதை வணங்க வேண்டும், மேலும் குப்பை கொட்டாமல் பாதுகாக்க வலியுறுத்தி, அகில பாரதிய சன்னியாசிகள் சங்கம் மற்றும் அன்னை காவிரி நதிநீர் பாதுகாப்பு அறக்கட்டளை சார்பில், 15ம் ஆண்டு காவிரி விழிப்புணர்வு துலா தீர்த்த ரத யாத்திரை, கர்நாடகா மாநிலம், தலைகாவிரியில் இருந்து கடந்த, 24ம் தேதி புறப்பட்டது. கடந்த, 27 மற்றும் 28 என இரு நாட்கள், தமிழக எல்லையான ஓசூரில் பல்வேறு இடங்களுக்கு காவிரி ரதம் சென்றது.