கிருஷ்ணகிரி மாவட்டம், ஓசூர் அருகே சித்தனப்பள்ளியில் உள்ள டிரண்ட் சிட்டி சஷ்டி அவென்யூ லே அவுட்டில் வசிக்கும் அகிலன் - சுமித்தா தம்பதி. இவர்களது பார்வையற்ற மாற்றுத்திறனாளியான மகள் ரியாஸ்ரீ, 17, பாகலுார் அரசு பெண்கள் மேல்நிலைப்பள்ளியில் படித்து பிளஸ் 2 பொதுத்தேர்வு எழுதி, 576 மதிப்பெண்கள் பெற்றார்.

இதையறிந்த, ஓசூர், தி.மு.க., - எம்.எல்.ஏ., பிரகாஷ், மாணவியை அவரது வீட்டிற்கு சென்று சந்தித்து, பொன்னாடை அணிவித்து பாராட்டினார். அனைவர் முன்னிலையிலும் மாணவி பாடல் ஒன்றை பாடி காட்டினார். பள்ளி தலைமையாசிரியர் தர்மசம்வர்தினி, மாணவியின் பெற்றோர் மற்றும் ஓசூர், தி.மு.க., ஒன்றிய துணை செயலாளர் வீரபத்திரப்பா உட்பட பலர் உடனிருந்தனர்.