ஓசூர்: சூளகிரி ஒன்றியம், அத்திமுகம் பஞ்.,ல், நபா ர்டு திட்டத்தில், 29.97 லட்சம் ரூபாய் மதிப்பில், 60,000 லிட்டர் கொள்ளளவு கொண்ட மேல்நிலை நீர்தேக்க தொட்டி மற்றும் சின்னாரன்தொட்டி பஞ்.,ல், குழந்தை நேய பள்ளிகள் உட்கட்டமைப்பு மேம்பாட்டு திட்டத்தில், 34.23 லட்சம் மதிப்பில், ஊராட்சி ஒன்றிய நடுநிலைப்பள்ளிக்கு கூடுதலாக, 2 வகுப்பறைகள் கட்டும் பணி ஆகியவற்றை, உணவு பொருள் வழங்கல் துறை அமைச்சர் சக்கரபாணி பூஜை செய்து துவக்கி வைத்தார். அதேபோல், வேப்பனஹள்ளி அரசு மாதிரிப்பள்ளி, அரசு ஆண்கள், பெண்கள் மேல்நிலைப்பள்ளி, மணவாரனப்பள்ளி, சென்னசந்திரம் அரசு மேல்நிலைப்பள்ளிகளில் படிக்கும், 628 மாணவ, மாணவியருக்கு, 30.16 லட்சம் ரூபாய் மதிப்பிலான விலையில்லா மிதிவண்டிகளை வழங்கினார்.