ஒகேனக்கல்லில் வெள்ளப்பெருக்கின் போது ஏராளமான முதலைகள் தண்ணீரில் அடித்து வரப்படும். கடந்த, 20 நாட்களுக்கு மேலாக ஒகேனக்கல்லில் நீர்வரத்து அதிகரித்து காணப் படுகிறது. இதில், கர்நாடகா நீர்த்தேக்க பகுதிகளில் இருந்து, 6 அடி நீள முதலை ஒன்று நேற்று காலை நீரில் அடித்து வரப்பட்டுள்ளது. அது, ஒகேனக்கல் முதலைப்பண்ணை எதிரே ஆற்றின் நடுவே பாறை மீது படுத்திருந்தது. இதை பார்த்த அப்பகுதி மக்கள் மற்றும் சுற்றுலா

பயணிகள் அச்சமடைந்தனர்.

நேற்று முதலை இருந்த இடம், மக்கள் ஈமச்சடங்கு காரியம் நடத்தும் பகுதி என்பதால், மக்கள் அச்சமடைந்தனர். ஆற்றிலிருந்து முதலை வெளியேறி, குடியிருப்பு பகுதிகளில் செல்வதை தடுக்கவும்,

அசம்பாவிதத்தை தவிர்க்கவும் ஒகேனக்கல் வனத்துறையினர் முதலையை கண்காணித்து பிடித்து, ஒகேனக்கல்

முதலைகள் மறுவாழ்வு மையத்தில் அடைக்க, அப்பகுதி மக்கள் வனத்துறையினருக்கு கோரிக்கை விடுத்துள்ளனர்.