ஓசூர், கிருஷ்ணகிரி மேற்கு மாவட்ட, தி.மு.க., செயற்குழு கூட்டம், ஓசூரில் தளி சாலையிலுள்ள கட்சி அலுவலகத்தில் நேற்று நடந்தது. மாவட்ட அவைத்தலைவர் யுவராஜ் தலைமை வகித்தார். முன்னாள் எம்.எல்.ஏ., முருகன், மாநகர செயலாளர் மேயர் சத்யா முன்னிலை வகித்தனர். மாவட்ட செயலாளர் பிரகாஷ் எம்.எல்.ஏ., கட்சி நிர்வாகிகளுக்கு ஆலோசனை வழங்கியதுடன், ஓரணியில் தமிழ்நாடு உறுப்பினர் சேர்க்கையை தீவிரப்படுத்த வேண்டும் என்றும், கிருஷ்ணகிரி மாவட்டம், ஓசூருக்கு இம்மாதம் அரசு நிகழ்ச்சிகளில் பங்கேற்க வரும், தமிழக முதல்வருக்கு உற்சாக வரவேற்பு அளிக்க, கேட்டுக் கொண்டார்.