இதனால் இந்தாண்டு, 30வது அகில இந்திய மாங்கனி கண்காட்சியை நடத்த இடம் தேர்வு செய்வதில் சிக்கலால், கண்காட்சியை நடத்துவதில் தாமதமாகிறது. ஜூன் மாதம் நடந்து வந்த மாங்கனி கண்காட்சி நாளடைவில், ஜூலை முதல் வாரத்தில் நடத்தப்பட்டது. ஆனால், இந்தாண்டு ஜூன் மாதம் முடிய உள்ள நிலையில், இன்னும் இடம் தேர்வு செய்யாததால், ஜூலை, 15க்கு பிறகே மாங்கனி கண்காட்சியை நடத்தும் சூழல் ஏற்பட்டுள்ளது. நாளை (ஜூன் 29) கிருஷ்ணகிரிக்கு வரும் பொறுப்பு அமைச்சருடன் ஆலோசனை நடத்திய பின்னர், இடம் தேர்வு செய்யப்பட உள்ளதாக வேளாண் அதிகாரிகள் தெரிவித்தனர்.

இந்நிலையில், கிருஷ்ணகிரி அருகிலுள்ள காட்டிநாயனப்பள்ளி முருகன் கோவில் மைதானம் அல்லது டோல்கேட் அருகிலுள்ள தேவராஜ் மைதானம் என, 2 இடங்களிலும், மாங்கனி கண்காட்சியை நடத்தலாம் என பொதுமக்கள் கருத்து தெரிவித்துள்ளனர்.