மேற்கு மாவட்ட செயலாளர் அறிக்கை

ஓசூர், நவ. 5-

கிருஷ்ணகிரி, தி.மு.க., மேற்கு மாவட்ட செயலாளர் பிரகாஷ் எம்.எல்.ஏ., வெளியிட்டுள்ள அறிக்கை:

கிருஷ்ணகிரி மேற்கு மாவட்டத்திற்கு உட்பட்ட ஓசூர், தளி, வேப்பனஹள்ளி சட்டசபை தொகுதி வாரியாக பி.எல்.ஏ., 2, தொகுதி பார்வையாளர்கள், கிளை கழக செயலாளர்கள், மாநகர, ஒன்றிய, பகுதி, பேரூர் செயலாளர்கள், நிர்வாகிகள் ஆலோசனை கூட்டம் நாளை (நவ.6) நடக்கிறது. ஓசூர் சட்டசபை தொகுதிக்கு காலை, 9:30 மணிக்கு, ஓசூர் மீரா மகால் திருமண மண்டபத்திலும், தளி சட்டசபை தொகுதிக்கு தேன்கனிக்கோட்டை சப்தகிரி திருமண மண்டபத்தில் நண்பகல், 12:00 மணிக்கும், வேப்பனஹள்ளி சட்டசபை தொகுதிக்கு சூளகிரி எஸ்.ஏ.எஸ்., மகாலில் மதியம், 2:00 மணிக்கும் கூட்டம் நடக்கிறது.

இதில், முன்னாள் எம்.எல்.ஏ.,க்கள், மாவட்ட நிர்வாகிகள், தலைமை செயற்குழு உறுப்பினர்கள், பொதுக்குழு உறுப்பினர்கள், மாநகர, ஒன்றிய, பேரூர், பகுதி செயலாளர்கள், நிர்வாகிகள், தொகுதி பொறுப்பாளர்கள், கிளை கழக செயலாளர்கள், மாநில, மாவட்ட, மாநகர, ஒன்றிய, பேரூர் பகுதி அணிகளின் நிர்வாகிகள் உட்பட அனைவரும், தவறாமல் பங்கேற்க வேண்டும்.

இவ்வாறு, அதில் தெரிவித்துள்ளார்.