இதில், ஆண் யானையின் தந்தம் குத்தியதால் மண்ணீரல் போன்ற உடல் உறுப்புகள் செயலிழந்து, பெண் யானை உயிரிழந்தது தெரியவந்தது. இனப்பெருக்கத்தின் போது ஏற்பட்ட சண்டையில், ஆண் யானை, தன் தந்தத்தால் பெண் யானையை குத்தியிருக்கலாம் என, வனத்துறையினர் கூறுகின்றனர்.

தேன்கனிக்கோட்டை வனச்சரகம், அய்யூர் வனத்திலுள்ள சாமை ஏரியில், காட்டெருமை இறந்து கிடந்தது. வனத்துறையினர் அதை மீட்டு பிரேத பரிசோதனை செய்தனர். தண்ணீர் குடிக்க வந்தபோது, ஏரி கரையிலுள்ள சேற்றில் சிக்கிய காட்டெருமை, வெளியே செல்ல முடியாமல் தண்ணீருக்குள் சென்று மூழ்கி உயிரிழந்தது, வனத்துறை விசாரணையில் தெரியவந்தது.