அஞ்செட்டி:கிருஷ்ணகிரி மாவட்டம், அஞ்செட்டி அருகே நாட்றாம்பாளையம் பஞ்., உட்பட்ட செங்கொடிபுரம் கிராமத்தில், ஆதிதிராவிடர் நலத்துறை சார்பில் கடந்த, 1999ம் ஆண்டு, 29 ஏழை குடும்பங்களுக்கு வீட்டு மனைப்பட்டா வழங்கப்பட்டது. ஆனால், நிலத்தை அளவீடு செய்து ஒப்படைக்கவில்லை. இதனால் பல்வேறு கட்ட போராட்டத்தில், தமிழ்நாடு விவசாயிகள் சங்கம் ஈடுபட்டது. அப்போது பேச்சுவார்த்தை நடத்திய அஞ்செட்டி வருவாய்த்துறை அதிகாரிகள், விரைவில் நிலத்தை அளவீடு செய்து தருவதாகவும், அத்திமரத்துார், சித்தாண்டபுரம், பூஞ்சோலை, காமராஜபுரம், பையில்காடு, ஆண்டியூர் ஆகிய கிராமங்களை சேர்ந்த மக்களுக்கு பட்டா வழங்குவதாகவும் உறுதியளித்தனர்.