இதுகுறித்து தட்ரஹள்ளியை சேர்ந்த, மா விவசாயி சிவகுரு கூறுகையில், ''மழையின்றி கடும் வெயிலின் தாக்கத்தால், 60 சதவீத மரங்கள் பூ பூக்காமல் உள்ளன. மீதமுள்ள, 40 சதவீத மா மரங்களில் உள்ள மா பிஞ்சுகள் தொடர்ந்து வாட்டி வதைக்கும் வெயிலின் தாக்கத்தால், உதிர்ந்து வருவது வேதனை அளிக்கிறது. மாவட்ட நிர்வாகம், நீர் மேலாண்மை குறித்து எந்த நடவடிக்கையும் எடுக்காமல் உள்ளதே, மா மரங்கள் காய்வதற்கு காரணம். இனி மேலும் அதிகாரிகள் அலட்சியம் காட்டாமல், கிருஷ்ணகிரி கே.ஆர்.பி., டேமில் இருந்து மழைக் காலங்களில் வெளியேறும் உபரி நீரை, பாளேகுளி ஏரியிலிருந்து, 27 ஏரிகளுக்கு அமைக்கப் பட்டுள்ள வாய்க்கால்கள் மூலம், அனைத்து ஏரிகளிலும் நீரை நிரப்ப நடவடிக்கை எடுக்க வேண்டும். அதேபோல் இந்தாண்டு பாதிக்கப்பட்டுள்ள, 'மா' விவசாயிகளுக்கு, ஏக்கர் ஒன்றுக்கு, ஒரு லட்சம் ரூபாய் இழப்பீடு வழங்க வேண்டும்.இவ்வாறு, அவர் கூறினார்.