ஓசூர், கிருஷ்ணகிரி மாவட்டம், ஓசூரிலிருந்து கர்நாடகா மாநிலம் மாலுார் செல்லும், பாகலுார் சாலையை சீரமைக்கும் பணி, சில மாதங்களுக்கு முன் துவங்கியது. இதனால் வாகனங்கள் திருப்பி விடப்பட்டு, நகரில் போக்குவரத்து நெரிசல் ஏற்பட்டுள்ளது. இதனால், ஓசூர்-கிருஷ்ணகிரி தேசிய நெடுஞ்சாலை சர்வீஸ் சாலையில், பாகலுார் ரோடு சந்திக்கும் இடத்தில், வாகனங்கள் குறுக்கே செல்லாமல் இருக்க, நேற்று முன்தினம் போலீசார் சென்டர் மீடியன் அமைத்தனர். அதனால், ஓசூர் காளிகாம்பாள் காமடீஸ்வரர் கோவில் வளாகத்தில், அரசு சார்பில் திறக்கப்பட்டுள்ள பூ மார்க்கெட்டிற்கு வியாபாரிகள் பூக்களை கொண்டு வந்து திரும்பி செல்ல முடியவில்லை. நீண்ட துாரம் சுற்றிக்கொண்டு செல்ல வேண்டியிருந்தது.சென்டர் மீடியன் சிமென்ட் கற்களை வியாபாரிகள் அகற்றியதால், போலீசாருடன் வாக்குவாதம் ஏற்பட்டது.