வரும், 13ல், பூம்புகாரில் ரத யாத்திரை நிறைவு பெறுகிறது. தமி-ழக எல்லையான, கிருஷ்ணகிரி மாவட்டம் ஓசூருக்கு நேற்று வந்த ரதத்திற்கு, தமிழ்நாடு பிராமணர் சங்க (தாம்பிராஸ்)ஓசூர் மாநகர தலைவர் சுதா நாகராஜன், நீர்நிலை பாதுகாப்பு இயக்க தலைவர் சண்முகவேல், துணைத்தலைவர் ரெட்டி ஆகியோர் முன்னிலையில் வரவேற்பு அளிக்கப்பட்டது. அங்கிருந்து, நாதஸ்-வரம், கோலாட்டம், திருமுறை வேதம், பிரபந்த கோஷத்துடன், எம்.ஜி., ரோடு, ராமர் கோவில், ஏரித்தெரு வழியாக ராமநாயக்கன் ஏரிக்கு காவிரி ரதம் ஊர்வலமாக சென்றது. ஓசூர் நீர்நிலை பாது-காப்பு இயக்கம் மற்றும் அகில பாரத சன்னியாசிகள் சங்கம் சார்பில், ஓசூர் ராமநாயக்கன் ஏரியில் கங்கா ஆரத்தி விழா நேற்று மாலை நடந்தது. அகில பாரத சன்னியாசிகள் சங்க துணைத்தலைவர் சுவாமி ராமா-னாந்தா, காளீஸ்வரானந்தா, லோபோமுத்ரானந்தா, நாகானந்தா, மீனாட்சி சுந்தரேஸ்வரானந்தா, கோரஷ்னானந்தா, வீரபத்ரனாந்தா ஆகியோர், ராமநாயக்கன் ஏரிக்கு சிறப்பு பூஜை செய்து கங்கா ஆரத்தி காட்டினர். நீர்நிலைகளை பாதுகாப்போம் என பொது-மக்கள் உறுதியேற்றனர். ஓசூர் மேயர் சத்யா, துணை மேயர் ஆனந்தய்யா, பா.ஜ., மாநில தொழில் பிரிவு நிர்வாகி ராமலிங்கம் உட்பட பலர் பங்கேற்றனர்.