இதுகுறித்து கிருஷ்ணகிரி மாவட்ட கலெக்டர் தினேஷ்குமார் வெளியிட்டுள்ள அறிக்கை:

கிருஷ்ணகிரி மாவட்டம், பர்கூர் அரசு பெண்கள் மேல்நிலைப்பள்ளியில் வரும், 30ல், (செவ்வாய்கிழமை) காலை 9:00 மணி முதல், 5:00 மணி வரை சிறப்பு மருத்துவ முகாம் நடக்கிறது. இதில்ல் பொதுமக்களுக்கு தேவையான ரத்த பரிசோதனை மற்றும் கர்ப்பிணிகளுக்கு ஸ்கேன் பாசோதனை, எக்ஸ்ரே, இ.சி.ஜி., எக்கோ, அல்ட்ரா சவுண்டு மற்றும் கண் பரிசோதனை மகப்பேறு மருத்துவம் போன்ற, 17 வகையான சிறப்பு நிபுணர்களை கொண்டு பரிசோதனைகள் மேற்கொள்ளப்பட உள்ளது.

மேலும், முதல்வர் காப்பீடு திட்ட அட்டை வழங்கப்படுகிறது. மாற்றுத்திறனாளிகளுக்கான அடையாள அட்டை மற்றும் தொழிலாளர்களுக்கு அனைத்து உடல் பரிசோதனைகள் செய்யப்படுகிறது. எனவே, பொதுமக்கள் அனைவரும், முகாமில் கலந்து கொண்டு பயன்பெற வேண்டும்.

இவ்வாறு, அதில் தெரிவிக்கப்பட்டுள்ளது.