கிருஷ்ணகிரி:சூளகிரி மற்றும் தளி பஞ்சாயத்து யூனியன்களில் காலியாக உள்ள மக்கள் நலப்பணியாளர் பணிக்கு தகுதியுள்ளவர்களிடம் இருந்து விண்ணப்பங்கள் வரவேற்கப்படுகிறது.கலெக்டர் மகேஸ்வரன் வெளியிட்ட அறிக்கை:கிருஷ்ணகிரி மாவட்டம் சூளகிரி பஞ்சாயத்து யூனியன் அத்திமுகம் பஞ்சாயத்து மற்றும் தளி ஊராட்சி ஒன்றியம் குப்பட்டி பஞசாயத்து ஆகியவற்றில் மக்கள் நலப்பணியாளர் பணியிடம் காலியாக உள்ளது. இந்த பணியிடத்தை நிரப்ப தகுதியானவர்களிடம் இருந்து விண்ணப்பங்கள் வரவேற்க்கப்படுகிறது.இதற்காக விண்ணப்பிப்போர் 18 வயது முதல் 30க்குள் இருக்க வேண்டும். எஸ்.எஸ்.எல்.ஸி., வரை படித்திருக்க வேண்டும்.