சூடேஸ்வரர் கோவிலில், உலக நலனுக்காகவும், விவசாயம் செழிக்கவும், மக்கள் நோய், நொடியின்றி நீண்ட ஆயுள் பெறவும், 30ம் ஆண்டு மகா நவசண்டியாகம் நேற்று துவங்கியது.

காலை, 10:15 மணிக்கு கணபதி ஹோமம் நடந்தது. மாலை, 4:30 மணிக்கு தேர்ப்பேட்டை பச்சைகுளத்தில் இருந்து நீர்க்குடம் புறப்படுதல், இரவு, 7:00 மணிக்கு கலசஸ்தாபனம், கலசபூஜை உட்பட பல்வேறு நிகழ்ச்சிகள் நடந்தன.

ஓசூர் முன்னாள் காங்., எம்.எல்.ஏ., மனோகரன், மாநகராட்சி பொது சுகாதார குழு தலைவர் மாதேஸ்வரன், ஜெயதேவ், கிருஷ்ணமூர்த்தி மற்றும் விழாக்குழுவினர் பங்கேற்றனர். விழாவில் இன்று (ஆக., 2) காலை, 8:30 மணிக்கு கலசபூஜை, ருத்ர ஹோமம் நடக்கிறது.