கிருஷ்ணகிரி மாவட்டம், பர்கூர் தாலுகா குண்டலகுட்டை கிராமத்தில் மாரியம்மன் திருவிழா கடந்த, 16 காலை விநாயகருக்கு பொங்கல் வைத்தலுடன் துவங்கியது.

மாலையில் அம்மனுக்கு அபிஷேக, ஆராதனை, விஷேச பூஜை நடந்தது. 17 மதியம், 2:00 மணிக்கு, மாரியம்மனுக்கு கிராம மக்கள் கூழ் ஊற்றி வேண்டுதல் நிறைவேற்றினர். தொடர்ந்து அம்மனை அனுப்பும் நிகழ்ச்சியும் நடந்தது. நேற்று காலை, 6:00 மணிக்கு, மாரியம்மனுக்கு அபிஷேக, ஆராதனை நடந்தது. தொடர்ந்து, கோவில் முன்பு பெண்கள் பொங்கல் வைத்தும், ஆடு, கோழிகளை பலியிட்டும் வேண்டுதல் நிறைவேற்றினர். சிறப்பு அலங்காரத்தில் அம்மன் பக்தர்களுக்கு அருள் பாலித்தார். மதியம், 1:30 மணிக்கு, பூசாரிகள் கரகம் சுமந்தும், ஏராளமான பெண்கள் மாவிளக்கை ஊர்வலமாக எடுத்தும் கோவிலுக்கு சென்றனர்.

இரவு, 9:00 மணிக்கு, மேலுார் ஜவ்வாதிமலை விநாயகா நாடக சபா சார்பில் அம்மன் பிறப்பு நாடகம் நடந்தது. இதற்கான ஏற்பாடுகளை, குண்டலகுட்டை இளைஞர்கள் மற்றும் ஊர்மக்கள் செய்திருந்தனர்.