கிருஷ்ணகிரி: அ.தி.மு.க., பொதுச் செயலாளர் இ.பி.எஸ்.,ன், 71வது பிறந்த நாளையொட்டி, கிருஷ்ணகிரி கிழக்கு மாவட்ட, அ.தி.மு.க., சார்பில், கிருஷ்ணகிரி அடுத்த கங்கலேரி கிராமத்தில் நேற்று பொது மருத்துவ பரிசோதனை முகாம் நடந்தது. கிழக்கு மாவட்ட செயலாளர் அசோக்குமார் எம்.எல்.ஏ., தலைமை வகித்தார். அ.தி.மு.க., துணை பொதுச் செயலாளர் முனுசாமி எம்.எல்.ஏ., குத்துவிளக்கு ஏற்றி முகாமை துவக்கி வைத்தார். முகாமில், பொது மருத்துவம், கண் பரிசோதனை, ரத்த தானம் நடந்தது.