ஓசூர், கிருஷ்ணகிரிக்கு, தமிழக முதல்வர் வருகை தர உள்ள நிலையில், அரசு நிகழ்ச்சி நடக்க உள்ள இடத்தை, அமைச்சர் சக்கரபாணி நேற்று ஆய்வு செய்தார்.கிருஷ்ணகிரி மாவட்டத்தில் வரும், 16 மற்றும் 17ம் தேதி என இரு நாட்கள், தமிழக முதல்வர் ஸ்டாலின் சுற்றுப்பயணம் செய்ய இருப்பதாக தகவல் வெளியாகியுள்ளது. 16ம் தேதி கிருஷ்ணகிரியிலும், 17ம் தேதி ஓசூரிலும் அரசு நிகழ்ச்சிகள் நடக்க உள்ளன. ஓசூர் நிகழ்ச்சிக்கு, அந்திவாடி விளையாட்டு மைதானம் தேர்வு செய்யப்பட்டுள்ளது. அங்கு பிரமாண்ட மேடை அமைக்கப்பட்டு, முதல்வர் ஸ்டாலின் பொதுமக்களுக்கு அரசின் நலத்திட்ட உதவிகள், இலவச வீட்டுமனை பட்டாக்களை வழங்குகிறார். மேலும், புதிய பணிகளுக்கு அடிக்கல் நாட்டுதல் மற்றும் முடிவுற்ற பணிகளை துவக்கி வைக்க உள்ளார்.