இது குறித்து வங்கி அதிகாரிகள் கூறுகையில், 'கூட்டுறவு கடன் சங்கங்களின் வாடிக்கையாளர்களிடம், கடன் சேவைகள், இட்டுவைப்புகள் தொடர்பான வட்டி விளம்பரங்கள் மற்றும் நிதிசார் விழிப்புணர்வு ஏற்படுத்தும் வகையில் நடமாடும் வங்கி சேவைக்கான மொபைல் வாகன சேவை துவங்கப்பட்டுள்ளது.

கிருஷ்ணகிரி மாவட்டத்தில் செயல்படும் மாவட்ட மத்திய கூட்டுறவு வங்கியின் கிளைகள் மற்றும் அவற்றுடன் இணைக்கப்பட்டுள்ள தொடக்க வேளாண் கூட்டுறவு கடன் சங்கங்களின், வாடிக்கையாளர்களிடம் நேரடியாக அவர்களின் வசிப்பிடத்திற்கே சென்று, வங்கியியல் சேவை மூலம் பணம் பெறும் வசதி செய்யப்பட்டுள்ளது. மேலும், இதர வங்கி கணக்குதாரர்களும், ஏ.டி.எம்., டெபிட் கார்டு மூலமாகவோ, பயோ மெட்ரிக் முறையிலோ பணம் எடுக்கலாம். வேறு யாருக்கும் பணமும் அனுப்பலாம். இச்சேவையால் அனைத்து தரப்பினரும் பயன்பெறலாம்' என்றனர்.தர்மபுரி மாவட்ட மத்திய கூட்டுறவு வங்கி செயலாட்சியர் மலர்விழி, கூட்டுறவு சங்கங்களின் மண்டல இணைப்பதிவாளர் ஏகாம்பரம், நபார்டு வங்கி மாவட்ட மேலாளர் நர்மதா உள்ளிட்டோர் கலந்து கொண்டனர்.