கிருஷ்ணகிரி, கிருஷ்ணகிரி, போலுப்பள்ளி அறிஞர் அண்ணா கலை மற்றும் அறிவியல் கல்லுாரியில், தேசிய மாணவர் படை துவக்க விழா நடந்தது. கல்லுாரி அகத்தர மதிப்பீட்டுக்குழு ஒருங்கிணைப்பாளர் ராஜலட்சுமி வரவேற்றார். கல்லுாரி முதல்வர் தனபால் தலைமை வகித்து பேசுகையில், ''கிருஷ்ணகிரி மாவட்டத்திலேயே தேசிய மாணவர் படை உள்ள முதன்மை கல்லுாரியாக அறிஞர் அண்ணா கல்லுாரி உள்ளது. என்.சி.சி., மாணவர்களின் ஆளுமையை மேம்படுத்தவும், சமூகப் பொறுப்புணர்வை ஏற்படுத்தவும் உதவுகிறது. மாணவர்களிடையே ஒற்றுமை மற்றும் ஒழுக்கத்தை வலியுறுத்துவதே, இதன் குறிக்கோள். சமூக முன்னேற்றத்திற்காக ஒவ்வொருவரும் பங்களிக்க வேண்டும்,'' என்றார்.